SMH Sports -ის ორგანიზებით, დღეს ყაზახეთში მსოფლიო ფეხბურთის ლეგენდები ითამაშებენ.
კლარენს ზეედორფი, ხავიერ ძანეტი, მარკო მატერაცი, დიმიტარ ბერბატოვი, კლოდ მაკელელე, ვიტორ ბაია, გაიზკა მენდიეტა, დუგლას მაიკონი, ესებან კამბიასო და სხვა ვარსკვლავების მატჩის ხილვა გულშემატკივრებს ასტანა არენაზე შეუძლიათ. მსოფლიო ლეგენდებთან ითამაშებს საქართველოს ნაკრების ვეტერანი ფეხბურთელი ზურაბ ხიზანიშვილი.
25 აპრილს ყაზახეთის ეროვნული ფეხბურთის დღის აღსანიშნავად, ასტანა არენაზე მსოფლიოს ლეგენდებისა და ყაზახეთის ლეგენდები ითამაშებენ.
მატჩამდე ლეგენდარულმა კლარენს ზეედორფმა, ყაზახმა ვეტერანმა ფეხბურთელმა, ელდოს ახმეტოვმა და SMH Sports-ის დამფუძნებელმა, ლაშა მაჭავარიანმა პრესკონფერენცია გამართეს და ჟურნალისტების კითხვებს უპასუხეს.
პრესკონფერენციაზე აღინიშნა, რომ ყაზახეთის ეროვნული ფეხბურთის დღისადმი მიძღვნილი მატჩი მნიშვნელოვანია, რეგიონში ფეხბურთის პოპულარიზაციისთვის. SMH Sports -ის დამფუძნებელმა, ლაშა მაჭავარიანმა განაცხადა, მსოფლიოს ლეგენდების მატჩები სერია იწყება და SMH Sports-ი გულშემატკივარს კიდევ ბევრ სიახლეს შესთავაზებს ცენტრალურ აზიაში.
მსოფლიო ლეგენდებისა და ყაზახეთის ლეგენდების მატჩი ასტანა არენაზე, დღეს, თბილისის დროით, 19:00 საათზე დაიწყება. შეხვედრის მედია მხარდამჭერია La Gazeetta delo Sport Georgia, La Gazeetta delo Sport Eurasia, Setanta Sports-ი და Qazsport–ი.
SMH Sports-ის ორგანიზებით, მსოფლიოს ლეგენდარული ფეხბურთელები უზბეკეთის დედაქალაქ ტაშკენტს 2025 წლის შემოდგომაზე ეწვევიან.
