მანჩესტერ სიტის მთავარმა მწვრთნელმა, ენცო მარესკამ თავისი კერპი დაასახელა. არ იყო გასაკვირი, რომ მან გამოარჩია პეპ გუარდიოლა, ვის შემცვლელადაც იტალიელი სპეციალისტი "ქალაქელებში" მივიდა. შეგახსენებთ იმასაც, რომ ესპანელი ტაქტიკოსის ერთ-ერთი ასისტენტი წარსულში ეტიჰადის მკვიდრთა ამჟამინდელი დამრიგებელიც ყოფილა.
"მესმის, რომ გუარდიოლას შემადარებენ. პრემიერ ლიგის 10 ტურში 10-ჯერ გამარჯვების შემთხვევაშიც კი, ხალხი გაიხსენებს იმას, თუ რა შედეგი ჰქონდა პეპს. აღნიშნული ფაქტი ჩემზე არ ახდენს ზეწოლას, რადგან შეგუებული ვარ, რომ მსოფლიოს უკანასკნელი 15-20 წლის საუკეთესო სპეციალისტი უნდა შევცვალო.
ადრე ყველას უნდოდა ეთამაშა ისე, როგორც ბარსელონას, მოგვიანებით როგორც ბაიერნს, შემდეგ კი მან სიტის - ეს სწორედ ესპანელი მწვრთნელის დამსახურებაა. მანჩესტერული გუნდის ყოფილი დამრიგებლის შეცვლა შეუძლებელია, მაგრამ მისი საქმის გაგრძელება ჩემთვის პრივილეგიაა", - განაცხადა "ქალაქელთა" თავკაცმა.
