რამდენიმეკვირიანი მოლაპარაკებები საბოლოო შეთანხმებით დასრულდა, პაოლო მალდინი იტალიის ეროვნული ნაკრების ტექნიკურ დირექტორად დაინიშნა!
იტალიური ფეხბურთის ლეგენდამ ახალი პრეზიდენტის, ჯოვანი მალაგოს შეთავაზება მიიღო. როგორც ირკვევა, პაოლო მალდინის მრჩეველის პოზიციას ვეტერანი ბრაზილიელი ფეხბურთელი ლეონარდო დაიკავებს.
იტალიის ფეხბურთის ფედერაცია პაოლო მალდინის ოფიციალურად უახლოეს საათებში წარადგენს. ეს მეტად საპასუხისმგებლო პოზიციაა, რომლის ფარგლებშიც იგი არა მხოლოდ ახალი მთავარი მწვრთნელის შერჩევის პროცესში მიიღებს აქტიურ მონაწილეობას, არამედ მთლიანად "სკუადრა აძურას“ სისტემის მართვასა და განვითარებაშიც მნიშვნელოვან როლს შეასრულებს.
