ერთ-ერთ იტალიურ რესტორანში შედგა რობერტო ბაჯოს, პეპ გუარდიოლასა და ლუკა ტონის შეხვედრა. შეგახსენებთ, რომ აღნიშნული ტრიო 2000-იანების დასაწყისში ერთად ბრეშიაში თამაშობდა. საუბრის მომენტში ყოფილმა იტალიელმა ფორვარდმა ჩართო ლაივი, რის შემდეგაც ის ესპანელ ტაქტიკოსს გაეხუმრა.
ტონი: "შენ გამო ოთხი წლის განმავლობაში გუნდს ვერ ვპულობდი. შენ შემოიტანე ცრუ ცხრიანი, მესისაც კი ათამაშებდი ამ პოზიციაზე, კლასიკურ ფორვარდებს საერთოდ არ აღიარებ?".
გუარდიოლა: "მყავს კლასიკური თავდამსხმელი - ჰოლანდი. მასთან ერთად ტრებლი მოვიგეთ. ფორვარდი უნდა იყოს კარგი, გესმის?". - უპასუხა ყოფილ იტალიელ ფორვარდს ესპანელმა სპეციალისტმა.
როგორც აღვნიშნეთ, რესტორანში ბაჯოც იმყოფებოდა. რამდენიმე დღის წინ, პეპმა აღნიშნა, რომ არ არის სერია ა-ში მუშაობის წინააღმდეგი, თუმცა მხოლოდ იმ შემთხვევაში, თუ მისი ასისტენტი ლეგენდარული იტალიელი ტრექუარტისტა იქნება.
"შენ გამო ოთხი წელი გუნდს ვერ ვპოულობდი", - ტონი გუარდიოლას გაეხუმრა
