რომელუ ლუკაკუმ გაიხსენა ნაპოლიში გატარებული პერიოდი და გასული წელი კარიერაში როგორც ყველაზე წარუმატებელი, ისე დაახასიათა. შეგახსენებთ, ახალი სეზონის წინ, ბელგიელმა ფორვარდმა დატოვა "პარტენოპეი" და ფენერბაჰჩეს მაისური მოირგო.
"გასული წელი ჩემს კარიერაში ყველაზე ცუდი იყო. რატომ დავტოვე ნაპოლი? რაღაც საუბრები გავიგე და წასვლის გადაწყვეტილება მივიღე. ასეთ ვითარებაში გამოსავალი კლუბის გამოცვლაა. მოსაზრება თითქოს არ ვარ ფორმაში, სიმართლეს არ შეესაბამება. ალბათ ასე თქვეს იტალიაში, სადაც სახელი განზრახ შემილახეს.
ოპტიმალურ კონდიციაში ვიმყოფები და ფენერბაჰჩეში ტყუილად არ გადავსულვარ. ჩემი მომავალი? ყოველთვის ვამბობდი, რომ ბელგიის ნაკრებში 2030-მდე ვაპირებდი თამაშს. დიახ, არიან ფეხბურთელები, რომლებიც თამაშობენ 40 წლამდეც, მაგრამ ეს ხასიათის საკითხია", - განაცხადა სტამბოლელთა ფორვარდმა.
