მატჩის დასრულების შემდეგ, ატლეტიკო მადრიდის ფეხბურთელებმა სოციალურ ქსელებში საინტერესო ფოტოები გაავრცელეს. როგორც ჩანს, მნიშვნელოვანი გამარჯვების შემდეგ, მადრიდელებმა გუნდის ყოფილი ფეხბურთელისგან, ლუის სუარესისგან საჩუქრები მიიღეს, კერძოდ ურუგვაელი ფეხბურთელის რესტორნიდან კერძები.
ეს ფაქტი სხვა შემთხვევაში გასაკვირი და აღსანიშნავი საერთოდ არ იქნებოდა, მაგრამ ამ შემთვევაში უცნაურია, რომ ბარსელონას ლეგენდა, ატლეტიკო მადრიდის მოთამაშეებს ასაჩუქრებს მას შემდეგ, რაც კატალონიური გუნდი დაამარცხეს. ლუის სუარესმა ბარსელონაში არც მეტი, არც ნაკლები 283 მატჩი ჩაატარა, გაიტანა 195 გოლი და 113 საგოლე გადაცემაც შეასრულა, როცა ურუგვაელმა ატლეტიკოში სულ რაღაც 83 მატჩის ჩატარება მოასწრო.
ეს ფაქტი ბარსელონას გულშემატკივრებს ძალიან არ მოეწონათ და ბოლო რამდენიმე საათია, სოციალურ ქსელებში სუარესის მიმართ საკმაოდ შეურაცხყმყოფელ კომენტარებსა და პოსტებს წერენ.
