პეპ გუარდიოლას მანჩესტერ სიტიში მომავალი სეზონიდან ახალი თანაშემწე ეყოლება. მის სამწვრთნელო შტაბს შეუერთდა პეპ ლეინდერსი, რომელიც 2015-2024 წლებში ლივერპულში იურგენ კლოპის ასისტენტი იყო. ცნობისთვის, ნიდერლანდელი თავკაცი ინგლისურ კლუბში ჯერ კიდევ ბრენდან როჯერსის დროს მუშაობდა.
რაც შეეხება "ქალაქელებში" გადასვლას, წარუმატებლად ჩატარებული განვლილი სეზონის შემდეგ, ესპანელმა მწვრთნელმა გადაწყვიტა საკუთარი შტაბის განახლება და კლუბში ისეთი მენეჯერის მოყვანა, რომელმაც ინგლისის ჩემპიონატი კარგად იცის. ეტიჰადის ბინადართა დამრიგებელმა არჩევანი სწორედ მერსისაიდელთა ექს-თავკაზე შეაჩერა.
42 წლის მენეჯერს განვლილ სეზონში ჰქონდა სამწვრთნელო კარიერის განახლების შესაძლებლობა, თუმცა ამ მცდელობამ წარუმატებლად ჩაიარა. ლეინდერსმა ჩაიბარა რედ ბულ ზალცბურგი, მაგრამ 29-დან მხოლოდ 13 შეხვედრის მოგების შემდეგ, 2024 წლის დეკემბერში ის გაათავისუფლეს.
