შანჰაიში გამართულ UFC-ის ივენთზე უმარ ნურმაგომედოვი სონგ იადონგთან მეორე რაუნდში ბრუტალური ნოკაუტით დამარცხდა. ისე, როგორც მერაბ დვალიშვილთან ჩხუბში, დაღესტნელი მებრძოლი გვარმა ვერც გადაარჩინა და ვერც ძალები მისცა მას...2 მნიშვნელოვანი დუელი, 2 წაგება და ბევრი ლაპარაკი.
ყველას კარგად მოეხსენება, თუ როგორი ლოიალურია UFC-ი რუსი ყოფილი ქონთენდერის მიმართ გარკვეული მიზეზების გამო. კითხვებს იწვევდა ის ფაქტი, თუ რამდენად იმსახურებდა 30 წლის მებრძოლი ქართველ მოწინააღმდეგესთან ჩხუბს ქამარზე და რაც მთავარია, უსაფუძვლო ამბიციები მას ახლაც ჰქონდა.
ნურმაგომედოვი არ აჩერებს ენას, როცა საუბარი ეხება "მანქანას" და ჩინელ მეტოქესთან გამარჯვების შემთხვევაში ის სუპერმსუბუქი წონითი დივიზიონის ელიტაში დაბრუნებასაც გეგმავდა. რეალობა გამოდგა სხვაგვარი: იქ, სადაც ქამარზე პრეტენზიას აცხადებენ დვალიშვილი, იანი და ო'მალი, დაღესტნელ მებრძოლს არაფერი ესაქმება.
უმარს მოუწევს ძალიან დიდი შრომა იმის დასამტკიცებლად, თუ რამდენად იმსახურებს ის საჩემპიონო შესაძლებლობებს. ჯერჯერობით გვაქვს ასეთი მოცემულობა: რუსი მებრძოლი ვერ ცდება საშუალო დონეს და ობიექტურად, ის გადაფასებულიცაა. მისი ერთადერთი "იარაღია" გვარი, რომელმაც 30 წლის სპორტსმენი ვერც დარტყმებისგან დაიცვა და ვერც თეიქდაუნებისგან.
🚨 Khabib’in Umar’ın nakavt oluşuna tepkisi
— Kırmızı Köşe (@KirmiziKoseMMA) August 29, 2026
Usman Nurmagomedov kafese fırlıyor pic.twitter.com/DS7ptAfTMZ
