30 აგვისტოს, UFC შანჰაის ივენთის ფარგლებში სონგ იადონგი უმარ ნურმაგომედოვს დაუპირისპირდება. აზიელმა სუპერმსუბუქწონოსანმა აღნიშნა, მოსამზადებელი კემპის დროს მან დიდი დრო დაუთმო ჭიდაობას და 2 კვირის მანძილზე ის საქართველოშიც ემხადებოდა. ინტერვიუს ბოლოს ჩინელმა მებრძოლმა მერაბ დვალიშვილისა და პიოტრ იანის მოახლოებულ ჩხუბზეც ისაუბრა.
"მოსამზადებელი ბანაკის დაწყების წინ ორი კვირის განმავლობაში ვიმყოფებოდისაქართველოში, სადაც ჭიდაობაში ვემზადებოდი. ოლიმპიური და მსოფლიო ჩემპიონი მეხმარებოდა. ბევრი რამ ვისწავლე, ისეთი მოძრაობები, რომლებიც აქამდე არ მინახავს. როგორც მებრძოლმა, კარგი გამოცდილება მივიღე.
მოახლოებული ტრილოგია? ორივე მათგანი ძალიან ძლიერია, თუმცა ჩემი აზრით, უპირატესობა იანს ექნება. ის გამოვიდა გამარჯვებული რემატჩში და ვფიქრობ, დვალიშვილს პიოტრი ახლაც მოუგებს", - განაცხადა "კუნგ ფუ ბიჭუნამ".
