იმ შემთხვევაში, თუ ალ-ნასრის კაპიტანი ვერ ითამაშებს, ის მაინც რეკორდსმენად დარჩება, რადგან ხუთ ევროპის ჩემპიონატზე არავის აქვს ნათამაშები. ევროების იგივე რაოდენობა არის იკერ კასილასის ანგარიშზეც, მაგრამ 2 ტურნირი მან სათადარიგოთა სკამზე გაატარა. იმის გათვალისწინებით, რომ ესპანელ კარის დარაჯს კარიერა აქვს დასრულებული, ლეგენდარული მე-7 ნომრის მიღწევა ხელუხლებელი დარჩება.
მოქმედი ფეხბურთელებიდან 39 წლის თავდამსხმელთან ახლოს არიან ლუკა მოდრიჩი და კეპლერ პეპე, რომელთა ანგარიშზე ოთხი ევროპის ჩემპიონატია. რაც შეეხება ევროებზე ჩატარებული მატჩების რაოდენობას, რონალდუმ ითამაშა 25-ჯერ, რაც ასევე რეკორდული მაჩვენებელია. მისი უახლოესი მდევარი არის ისევ პეპე, რომელმაც 19 თამაში ჩაატარა.
ბოლოს კი პორტუგალიელი თავდამსხმელისთვის ყველაზე მნიშვნელოვანი - გოლების რაოდენობა. 14 გატანილი ბურთით ის ევროპის ჩემპიონატების ისტორიაში ყველა დროის საუკეთესო გოლეადორია. შემდეგ მოდიან მიშელ პლატინი (9 ბურთი) და ალან შირერი - ანტუან გრიზმანი, ორივე მათგანს 7 ბურთი აქვს გატანილი.
