ქართველმა ჩოგბურთელმა ნიკოლოზ ბასილაშვილმა უიმბლდონზე გამოსვლა წარმატებით დაიწყო და იტალიელი მუსეტი ოთხ სეტში დაამარცხა.
ამ მატჩამდე, ბასილაშვილი რეიტინგის 126-ე ჩოგანი იყო, თუმცა მუსეტისთან მოგების შემდეგ, 19 საფეხურით წინ წაიწია და 107-ე ჩოგანი გახდა.
შეგახსენებთ, რომ ქართველი ჩოგბურთელი დიდი სლემის გათამაშებაში კვალიფიკაციიდან ჩაერთო და სამი ეტაპის გადალახვა მოუწია.
უიმბლდონის შემდეგ ეტაპზე ბასილაშვილის მეტოქე ასევე იტალიელი სონეგო იქნება და იქ გამარჯვების შემთხვევაში, ქართველი ხანგრძლივი პაუზის შემდეგ 100-ეულში შევა.
