17 წლის სალია დინამო თბილისიდან ნიუკასლში გადავიდა, გიორგი მამარდაშვილი ლივერპულის მეკარეა და ამჟამად, ვალენსიაში იჯარის წესით თამაშობს.
ამ 2 ფეხბურთელამდე კი 5 ქართველი მოთამაშე იყო, ვისაც პრემიერ ლიგის გუნდში ერთხელ მაინც უთამაშია.
გიორგი ქინქლაძე
ქართულ ფეხბურთის ისტორიაში ერთ-ერთი გამორჩეული ტალანტი და მანჩესტერ სიტის ლეგენდა პრემიერ ლიგაში 4 სეზონი თამაშობდა. ის გუნდის მთავარი ლიდერი იყო. ამ 4 პრემიერ ლიგური სეზონიდან ქინქლაძემ 3 დერბის რიგებში ითამაშა. ორივე გუნდში ჯამში მან 102 მატჩი ჩაატარა და 7 გოლი გაიტანა.
თემურ ქეცბაია
პრემიერ ლიგაში 3 სეზონი გაატარა თემურ ქეცბაიამ, რომელიც ნიუკასლის მაისურით გამოდიოდა. მიუხედავად იმისა, რომ ქეცბაიას ბევრი გოლი არ გაჰქონდა, თავისი მებრძოლი ხასიათით მოედანზე მნიშვნელოვანი ფიგურა იყო. 78 შეხვედრაში მის ანგარიშზე 8 გოლია.
ზურაბ ხიზანიშვილი
ქართველი ფეხბურთელებიდან პრემიერ ლიგაში ყველაზე მეტი, 5 სეზონი ზურაბ ხიზანიშვილმა გაატარა. ხიზანიშვილმა ნიუკასლისა და ბლექბერნის შემადგენლობაში ჯამში 62 მატჩი ჩაატარა. ის რედინგშიც თამაშობდა, თუმცა რედინგი ჩემპიონშიფის წარმომადგენელი იყო.
მიხეილ ყაველაშვილი
მანჩესტერ სიტის შემადგენლობაში კიდევ ერთმა ქართველმა - მიხეილ ყაველაშვილმა ითამაშა. პრემიერ ლიგაში მას დიდი დრო არ გაუტარებია, 4 შეხვედრა ჩაატარა და 1 გოლი გაიტანა.
რატი ალექსიძე
ალექსიძე ლონდონის ჩელსის რიგებში გამოდიოდა. ბევრი თამაში ინგლისის მთავარ ლიგაში მასაც არ მოუწია და მხოლოდ ორი მატჩის ჩატარება დასცალდა.
