ლეგენდარულმა მიშელ პლატინიმ ჩემპიონთა ლიგის მოახლოებულ ფინალზე ისაუბრა. შეგახსენებთ, რომ სეზონის მთავარ მატჩში ინტერ მილანი პარის სენ-ჟერმენს დაუპირისპირდება. ყოფილმა ფრანგმა ფლეიმეიქერმა აღნიშნა, რომ ევროპის მთავარი საკლუბო ტურნირის ფინალში ის პსჟ-ს უქომაგებს.
"ვის ვუგულშემატკივრებ ჩემპიონთა ლიგის ფინალში? რა თქმა უნდა, პარის სენ-ჟერმენს. ამ გუნდს ინტერზე უკეთ ვიცნობ. ფრანგი ვარ და პარიზული კლუბის ჩემპიონობა ყველაზე მეტად გამიხარდება. ენრიკემ ამ გუნდს ასწავლა ისე თამაში, რომ მათი ყურება ერთი დიდი სიამოვნება არის.
რა თქმა უნდა, ჩემი სურვილი ერთია, თუმცა რეალური შედეგი - სხვა. ეს ჩემპიონთა ლიგის ფინალია და ჩემზე უკეთ იცით, რომ ყველაფერი შეიძლება მოხდეს. შეუძლებელია თქვა წინასწარ, თუ ვინ მოიგებს."
