პეპ გვარდიოლა შესაძლოა აშშ-ის ნაკრების მთავარი მწვრთნელი გახდეს! მას შემდეგ, რაც მაურისიო პოჩეტინოს წასვლა გადაწყდა, ამერიკელები მისი შემცვლელის ძიებას შეუდგნენ. გავლენიანი წყაროების ინფორმაციით, ესპანელი სპეციალისტი აშშ-ის ფეხბურთის ფედერაციისთვის სასურველი კანდიდატია და მის მიწვევას სერიოზულად განიხილავენ.
ზემოხსენებული წყაროების ცნობით, აშშ-ის ფეხბურთის ფედერაციას გვარდიოლას მიწვევა ჯერ კიდევ პოჩეტინოს დანიშვნამდე სურდა. ესპანელ სპეციალისტს ოფიციალური შეთავაზება ამ ეტაპზე არ მიუღია და მხარეებს შორის მოლაპარაკებები ჯერ არ დაწყებულა.
ამერიკულ მხარეს გვარდიოლას დასაინტერესებლად ფინანსური რესურსების მოძიებაც შეუძლია. ფედერაცია კერძო დაფინანსების მოზიდვის შესაძლებლობას განიხილავს, რათა ესპანელ მწვრთნელს მიმზიდველი პირობები შესთავაზოს. ჯერჯერობით უცნობია, მიიღებს თუ არა გვარდიოლა ამერიკული მხარის შეთავაზებას.
მოსალოდნელია, რომ გვარდიოლას მომავალთან დაკავშირებით მეტი დეტალი უახლოეს კვირებში გახდება ცნობილი.












