ბრაზილიის ეროვნული ნაკრების ბანაკიდან ახალი ინფორმაცია ვრცელდება — ბოლო საათებში ჩატარებული სამედიცინო გამოკვლევების შედეგად ნეიმარის ტრავმის სიმძიმე ოფიციალურად დადასტურდა. არსებული ცნობებით, 34 წლის შემტევი დაახლოებით 2-დან 3 კვირამდე იუქმებს, რაც იმას ნიშნავს, რომ "სელესაოს" ათიანი მსოფლიო ჩემპიონატის სტარტს გამოტოვებს.
მიუხედავად ახალი ტრავმისა, ნაკრების შიგნით ოპტიმიზმი არ იკარგება. დღევანდელი ინფორმაციით, მთავარი მწვრთნელი კარლო ანჩელოტი ნეიმარის მსოფლიო ჩემპიონატის განაცხადს მიღმა დატოვებას არ განიხილავს. გუნდის შტაბში იმედოვნებენ, რომ გამოცდილი ლიდერი რეაბილიტაციას დროულად დაასრულებს და ტურნირის მსვლელობისას მოედანზე დაბრუნებას შეძლებს.
