როგორც მოგეხსენებათ, გიორგი მამარდაშვილის სახელი ნოტინგემ ფორესტს დაუკავშირეს. მიუხედავად იმისა, რომ სატრანსფერო ფანჯრის დახურვამდე რჩება ცოტა დრო, ქართველი გოლკიპერის "მეტყევეებში" გადასვლის ალბათობა მაინც არსებობს. აღნიშნულ ფაქტს გამოეხმაურა This Is Anfield-ი, რომელმაც ლივერპულის კარის დარაჯის შესაძლო გაშვებას ალოგიკური ნაბიჯი უწოდა.
"მამარდაშვილის გაყიდვა იქნება ალოგიკური ნაბიჯი და სიურპრიზი, რადგან ლივერპულმა ის ალისონის შემცვლელად გაიფორმა. გაყიდვას რომ თავი დავანებოთ, გიორგის განათხოვრების წესით გაშვებაც კი არაა მართებული. ბეკერს ახასიათებს ტრავმიანობა და ასეთ შემთხვევაში რატომ უნდა გაუშვა შენი მე-2 გოლკიპერი?
ყოველთვის არის იმის რისკი, რომ ბრაზილიელმა მეკარემ ტრავმის გამო გამოტოვოს სეზონის დიდი ნაწილი და აქედან გამომდინარე, მას შემცვლელი უნდა ჰყავდეს. უფრო გონივრული იქნებოდა ქართველი გოლკიპერის მიმართებაში საბოლოო გადაწყვეტილების მიღება სეზონის ბოლოს და არა ახლა", - წერს ინგლისური მედია.
