პრემიერ ლიგა
პრემიერ ლიგის გრანდები არიან ორ უკიდურესობაში - "წითლები" იმყოფებიან საუკეთესო ფორმაში, "ქალაქელებს" კი ასეთი ცუდი შედეგები უკანასკნელად 21-ე საუკუნის დასაწყისში ჰქონდათ. მერსისაიდელები ლიდერობენ, როგორც პრემიერ ლიგაში, ისე ჩემპიონთა ლიგაზეც, "ლურჯებმა" კი მოგება ბოლო 6 მატჩში ვერ შეძლეს.
გუნდებს შორის სხვაობა ამ დროისთვის შეადგენს რვა ქულას და "სქაუზერების" გამარჯვების შემთხვევაში, პეპ გუარდიოლას შეგირდები 11 ქულით იქნებიან უკან. დღევანდელ მატჩში პასუხი გაეცემა 2 კითხვას, პირველი: ენფილდელები მართლაც უკონკურენტოები არიან? მეორე: სიტის ჰეგემონია ოფიციალურად დასრულებულია?
რაც შეეხება დანაკლისს, არნე სლოტის განკარგულებაში არ იქნება ფედერიკო კიეზა, მანჩესტერელებს კი როდრი ერნანდესი და ოსკარ ბობი ვერ დაეხმარებიან. სწორედ ესპანელი შუახაზელის ტრავმით დაიწყო "ქალაქელთა" კრიზისი, რომელიც ახლაც გრძელდება. ფაქტია, რომ პრემიერ ლიგის 6-გზის ჩემპიონმა ტაქტიკოსმა ვერ შეძლო თავისი გუნდის ჩამშლელის არყოფნაში სხვა ალტერნატივის მოძებნა.
ბოლო წლებმა გვაჩვენა, რომ ლივერპულს ჰყავდა ორი უხერხული მოწინააღმდეგე - ჩემპიონთა ლიგაზე მადრიდის რეალი, გუნდი, რომლის დამარცხებას "წითლები" ვერ ახერხებდნენ 2009 წლის შემდეგ, პრემიერ ლიგაში კი "ლურჯები", რომლებმაც 7 სეზონში ჩემპიონის ტიტული 6-ჯერ მოიგეს. "სამეფო კლუბთან" მოგება ვიხილეთ რამდენიმე დღის წინ, ახლა კი ვნახოთ, რას იზამენ მერსისაიდელები გუარდიოლას გუნდის წინააღმდეგ.
17:30 - ჩელსი-ასტონ ვილა
17:30 - მანჩესტერ იუნაიტედი-ევერტონი
17:30 - ტოტენჰემი-ფულჰემი
20:00 - ლივერპული-მანჩესტერ სიტი
ლა ლიგა
ლა ლიგაში ყურადღების ცენტრში იქნება რეალის შეხვედრა მეზობელ ხეტაფესთან. შეგახსენებთ, რომ გუშინ ბარსელონა ლას პალმასთან დამარცხდა. "ბლაუგრანასთან" ჩამორჩენა შეადგენს 4 ქულას და იმ შემთხვევაში, თუ "სამეფო კლუბი" დღეს მოიგებს, სხვაობა 1-2 ადგილოსნებს შორის 1 ქულა გახდება. გასათვალისწინებელია ისიც, რომ "ბლანკოსს" 1 მატჩით ნაკლები აქვს ჩატარებული.
17:00 - ვილიარეალი-ჟირონა
19:15 - რეალი-ხეტაფე
21:30 - რაიო ვალეკანო-ბილბაო
23:55 - სოსიედადი-ბეტისი
სერია ა
სერია ა-ში პირველ რიგში გამოსარჩევია ნაპოლის სტუმრობა ტორინოსთან. ხვიჩა კვარაცხელიას მომავლის გარშემო ბევრი მითქმა-მოთქმაა, თუმცა რაც არ უნდა იყოს, ფაქტად რჩება ერთი რამ: ქართველი ვინგერი "პარტენოპეისთვის" ბოლომდე იხარჯება. ახალგაზრდა შემტევი თავისი გუნდისთვის 3 ქულის მოპოვებას დღევანდელ მატჩშიც ეცდება.
15:30 - უდინეზე-ჯენოა
18:00 - ტორინო-ნაპოლი
18:00 - პარმა-ლაციო
21:00 - ფიორენტინა-ინტერი
23:45 - ლეჩე-იუვენტუსი
ლიგა 1
ევროპა ლიგაზე დუბლის შესრულების შემდეგ, გიორგი მიქაუტაძე დღევანდელ შეხვედრაშიც ყურადღების ცენტრში იქნება. ლიონის მოწინააღმდეგე იქნება ნიცა, კლუბი, რომელიც გასულ ზაფხულს ქართველი ფორვარდის გადმობირებას ასევე ცდილობდა. ვნახოთ, გააგრძელებს თუ არა ახალგაზრდა შემტევი გოლების სერიას.
18:00 - მონპელიე-ლილი
20:00 - ლიონი-ნიცა
20:00 - ტულუზა-ოსერი
20:00 - ლე ავრი-ანჟერი
23:45 - მარსელი-მონაკო
ლეგიონერები
ბუდუ ზივზივაძეს ელის შეხვედრა გერმანიის ისტორიულ გუნდთან - კარლსრუე ჰამბურგს მიიღებს. სოლიდური მოწინააღმდეგე ეყოლება ლევან შენგელიას ოფისაც, ოლიმპიაკოსი. დღეს ასევე თავის მატჩებს ჩაატარებენ გურამ კაშია, გიორგი ქოჩორაშვილი, ანზორ მექვაბიშვილი და სხვები.
16:30 - კარლსრუე-ჰამბურგი
17:30 - ჩელსი-ასტონ ვილა
17:30 - მანჩესტერ იუნაიტედი-ევერტონი
17:30 - ტოტენჰემი-ფულჰემი
18:00 - ტორინო-ნაპოლი
18:00 - ფროზინონე-ჩეზენა
18:30 - სლოვანი-ბანსკა
19:00 - ოფი-ოლიმპიაკოსი
19:15 - რეალი-ხეტაფე
20:00 - ლივერპული-მანჩესტერ სიტი
20:00 - ლიონი-ნიცა
21:00 - ფიორენტინა-ინტერი
21:30 - ლევანტე-ბურგოსი
22:30 - კრაიოვა-კლუჟი
23:45 - ლეჩე-იუვენტუსი
