მატჩის დღე: კვარაცხელიას პირველი მატჩი ოფიციალური კაპიტნის რანგში

დღეს, მიხეილ მესხის სახელობის სტადიონზე გაიმართება ამხანაგური შეხვედრა საქართველოსა და ბაჰრეინის ნაკრებებს შორის.

მოგესენებათ, 3 დღის წინ ჩვენმა ნაკრებმა ერთი ამხანაგური მატჩი უკვე გამართა და რუმინეთთან ფრედ 1:1 ითამაშა, სადაც გურამ კაშიამ თავისი ბოლო სანაკრებო შეხვედრა ჩაატარა.

შესაბამისად, ბაჰრეინთან კვარაცხელია უკვე ოფიციალურად გაიყვანს გუნდს კაპიტნის რანგში. 2 გზის ჩემპიონთა ლიგის მფლობელს ნაკრებში აქამდეც უკაპიტნია, თუმცა კაშიას წასვლის შემდეგ, საქართველოს ნაკრების პირველი კაპიტანი ის გახდა.

გასაკვირი არაა, რომ საქართველო და ბაჰრეინი ერთმანეთს ისტორიაში პირველად დაუპირისპირდებიან. ვილი სანიოლის თქმით, ეს იქნება კარგი მოსამზადებელი მატჩი ერთა ლიგის მატჩების წინ.

ვილი სანიოლი (საქართველოს ნაკრების მწვრთნელი): "მომდევნო მატჩში ძირითად შემადგენლობაში 5-6 ცვლილება იქნება. ბოლო პერიოდში, ბაჰრეინმა თავის კონტინენტზე კარგი შეედეგები დააფიქსირა და მეტოქეს სერიოზულად უნდა მივუდგეთ. "საკმაოდ პროდუქტიული შეკრება გვქონდა, მზადებით კმაყოფილი ვარ და ეს რუმინეთთან მატჩის ხარისხზეც აისახა. იმედია, კარგი შეკრება ბაჰრეინთან დამაჯერებელი გამარჯვებით დასრულდება.რუმინეთთან ბევრი მომენტი შევქმენით, თუმცა ამ მომენტების რეალიზება გვიჭირდა. იმედია, ჩვენი ნაკრები ხვალაც იგივე მონდომებით ითამაშებს და შედეგი უკეთესი იქნება. რუმინეთთან ბოლო ერთ წელიწადში საუკეთესო მატჩი ვაჩვენეთ."

დრაგან ტალაიჩი (ბაჰრეინის ნაკრების მწვრთნელი):"შეიძლება ბევრმა ბაჰრეინის შესახებ არ იცის, თუმცა ხელწამოსაკრავი გუნდი არ ვართ, სპარსეთის ყურის ჩემპიონები ვართ და აქედან 3 ნაკრები მსოფლიო ჩემპიონატზე იღებს მონაწილეობას.საქართველოს ნაკრებს დიდ პატივს ვცემთ. ხვიჩა კვარაცხელიას წინაამღდეგ თამაში დიდი პატივი იქნება. აქ ლამაზი ფეხბურთის საჩვენებლად ვართ ჩამომოსული.ხვალ ნახავთ, რომ ფეხბურთის თამაში ჩვენც შეგვიძლია. ვილი სანიოლი ძალიან კარგი ფეხბურთელი იყო და ახლა კარგი სპეციალისტია. მისი წარმატება მიხარია და მომავალშიც წარმატებებს ვუსურვებ, ოღონდ ხვალ არა",

საქართველო - ბაჰრეინი

ამხანაგური მატჩი

5 ივნისი, 20:00

მიხეილ მესხის სტადიონი, თბილისი

საქართველოს ნაკრების სავარაუდო შემადგენლობა: გუგეშაშვილი, აზაროვი, ბერიაშვილი, გოგლიჩიძე, ლოჩოშვილი, მამაგეიშვილი, იეგოიანი, ქოჩორაშვილი, კიტეიშვილი, კვარაცხელია, ქვილითაია