დღეს გაიმართება ევროპა ლიგის მესამე საკვალიფიკაციო ეტაპის შეხვედრა საქართველოს მოქმედ ჩემპიონ იბერიასა და პოლონურ იაგელონიას შორის.
მოგეხსენებათ ამ გუნდების პირველი შეხვედრა პოლონეთში შედგა და იაგელონიას დამაჯერებელი გამარჯვებით 4:0 დასრულდა.
მიუხედავად ამისა, იბერიელებს იმედი აქვთ, რომ ქამბექის გაკეთება შეუძლიათ და დღევანდელ მატჩში მოედანზე საბრძოლველად გადიან.
წინა შეხვედრის მსგავსად, გუნდს ერთ-ერთი ლიდერები ანდრია ბართიშვილი და ვახო ბედოშვილი კვლავაც დააკლდებიან.
ანდრი დემჩენკო (იბერიას მთავარი მწვრთნელი):"მნიშვნელოვანია, რომ რეაბილიტაცია მოვახდინოთ. ნახავდით, რომ ცუდად ნამდვილად არ გვითამაშია და ამხელა ანგარიშით წაგებას არ ვიმსახურებდით. გუნდის მიზანია, რომ ჩვენი ქომაგების წინ შეცდომები გამოვასწოროთ. ფეხბურთში სენსაციები არსებობს და უნდა გვჯეროდეს, რომ ეს შეგვიძლია.სამწუხაროდ, ხვალ ბართიშვილი და ბედოშვილი ვერ ითამაშებენ. ანდრია ტრავმირებულია და რეაბილიტაციას გადის. ვახო მზად ლარნესთან მატჩშიც არ იყო, მაგრამ გავრისკეთ, რაც შემდეგ ეტაპზე გასვლაში დაგვეხმარა, თუმცა ფეხბურთელს დაზიანება გაუღიზიანდა."
ადრიან დემენიჩი (იაგელონიას მთავარი მწვრთნელი):"თბილისში მოსაგებად ჩამოვედით. პრესინგი უნდა გავაუმჯობესოთ. სავარჯიშო სესიებზე გარკვეულ ტაქტიკურ საკითხებზე ვმუშაობდით. მხოლოდ ხვალინდელ მატჩზე ვართ ფოკუსირებულნი. პრესინგში იბერია საკმაოდ კარგი იყო, რაც ხვალ არ უნდა დავუშვათ. გვსურს, დავამტკიცოთ, რომ ევროპა ლიგაზე თამაშს ვიმსახურებთ - ამისთვის ორივე შეხვედრა დამაჯერებლად უნდა მოვიგოთ"
იბერია - იაგელონია
ევროპა ლიგა, მესამე საკვალიფიკაციო ეტაპი
27 აგვისტო, 20:00
მიხეილ მესხის სტადიონი, თბილისი
იბერიას სავარაუდო შემადგენლობა: მაკარიძე, ქობულაძე, სელიმოვიჩი, ამისულაშვილი, ჯინჯოლავა, ქარდავა, დადიანი, კუცია, ნაჭყებია, ენდე, სიხარულაშვილი
