ცნობილმა ჟურნალისტმა, პიერ მენესმა ნეიმარ ჟუნიორი და ხვიჩა კვარაცხელია ერთმანეთს შეადარა. მისი თქმით, პარი სენ-ჟერმენში დაფიქსირებული მიღწევებით, ქართველმა ვინგერმა თავის ბრაზილიელ წინამორბედს უკვე აჯობა, მაგრამ ფრანგმა რეპორტიორმა მის უარყოფით მხარეზეც ისაუბრა.
"პარი სენ-ჟერმენში დაფიქსირებული მიღწევებით, ეჭვგარეშეა - კვარაცხელიამ ნეიმარს უკვე აჯობა. დიახ, მან ბევრად მეტი გააკეთა, თუმცა არ ვიცი, ჟუნიორის დამრიგებელი რომ ყოფილიყო ენრიკე, გვექნებოდა თუ არა მსგავსი დისკუსია დღეს? ფაქტია, ხვიჩა განსაკუთრებულად მხოლოდ ევროსარბიელზე თამაშობს.
არის კიდევ დუე, ვინც თანაბრად კარგად ასპარეზობს, როგორც ჩემპიონთა ლიგაზე, ისე ლიგა 1-შიც, ქართველი შემტევი კი აშკარად არჩევანს აკეთებს. დიახ, ბრაზილიელი ფლეიმეიქერის ტრანსფერი იყო უპრეცედენტო, მაგრამ ფაქტია, თანამედროვე პსჟ-ში უფრო შედეგიანი მოთამაშეები არიან", - განაცხადა მენესმა.
