ბრაზილიის ჩემპიონატის 23-ე ტურში სანტოსი სტუმრად ვასკო და გამას დაუპირისპირდა და მარტივად, 3:0 დაამარცხა.
ძირითად შემადგენლობაში იყო სანტოსის ბრაზილიელი ვარსკვლავი ნეიმარი, რომელმაც 90 წუთი ითამაშა და ახალი საფეხბურთო წესის მსხვერპლი გახდა.
ახალი წესის თანახმად, თუ ფეხბურთელი თამაშის მსვლეოობისას სამედიცინო დახმარებას მოითხოვს, 1 წუთით მოედნის დატოვება მოუწევს, ხოლო თუ სამედიცინო დახმარება მეკარემ მოითხოვა, მის ნაცვლად 1 წუთით მოედანს მინდვრის რომელიმე მოთამაშე დატოვებს.
ასე მოხდა სანტოსის მატჩშიც, როცა მათმა მეკარემ გაბრიელ ბრაზაომ ექიმების დახმარება მოითხოვა, მსაჯმა კი მეკარის ნაცვლად მოედნიდან ერთი წუთით სწორედ ნეიმარი გაუშვა.
ძირითად შემთხვევაში, მოედნიდან გამსვლელ ფეხბურთელს მთავარი მწვრთნელი ირჩევს ხოლმე, თუმცა ამჯერად, კაპიტანმა ნეიმარმა შეწირვა თავის თავზე მიიღო.
22 ტურის შემდეგ, სანტოსს 25 ქულა აქვს და სატუტნირო ცხრილში მე-14 ადგილს იკავებს, ნეიმარის ანგარიშზე 6 გოლი და 2 საგოლე გადაცემაა.
