ხამეს როდრიგესი მიმდინარე კოპა ამერიკის ერთ-ერთი მთავარი ვარსკვლავია. მის ანგარიშზე ექვსი შედეგიანი ქმედება (ერთი გოლი და ხუთი საგოლე გადაცემა) არის. კოლუმბიელმა ფლეიმეიქერმა გაიმეორე ლეო მესის, დენილსონ დე ოლეივეირასა და ალექს დე სოუზას რეკორდი, რომლებსაც სხვადასხვა დროის ტურნირებზე ასევე, 5 ასისტი ჰქონდათ.
იმის გათვალისწინებით, რომ კოლუმბიის ნაკრები ბრძოლას აგრძელებს, არაა გამორიცხული, რომ ტურნირის ბოლოსთვის სან პაულოს შემტევი ნახევარმცველი ერთპიროვნული რეკორდსმენიც გახდეს. ასევე გამოსარჩევია პანამას წინააღმდეგ მატჩი, რომლის პირველ ნახევარში მან 3 ასისტი გაიფორმა. ბოლოს მსგავსი რამ კოპა ამერიკაზე 50 წლის წინ მოხდა.
ერთი სიტყვით, 32 წლის შემტევი ნახევარმცველი ფორმაშია და ის ლა ლიგაში დაბრუნებას გეგმავს:
"მინდა ესპანეთში დაბრუნება, რატომაც არა?! ეს არის ჩემპიონატი, სადაც თამაში ყოველთვის მინდოდა", - განაცხადა "ლოს კაფეტეროსის" 10-იანმა.