"რადგან უკრაინაში მშვიდობისთვის მოლაპარაკებები მიმდინარეობს, იმედი მაქვს, რომ ჩვენ მალე გადავალთ შემდეგ ეტაპზე და დავაბრუნებთ რუსეთს საფეხბურთო სამყაროში. თუ უკრაინაში ომი დასრულდება, ამას გავაკეთებთ", - თქვა ინფანტინომ უეფას 49-ე კონგრესზე.
ამ თემასთან დაკავშირებით, კომენტარი გააკეთა ალექსანდერ ჩეფერინმაც - "დიახ, ჩვენ ზუსტად ის გვსურს, რომ ომი, რაც შეიძლება მალე დასრულდეს — ჩვენ ამისთვის უნდა ვილოცოთ. როდესაც ომი დასრულდება, რუსეთი საფეხბურთო სამყაროს დაუბრუნდება."
ჩეფერინმა ასევე განაცხადა, რომ იგი კატეგორიულად ეწინააღმდეგება იდეას 2030 წლის მსოფლიო ჩემპიონატზე, გუნდების რაოდენობის 64-მდე გაზრდას, სპორტის ასი წლისთავის აღსანიშნავად.
