დღეს კონფერენს ლიგის ძირითადი ეტაპის წილისყრა გაიმართა, სადაც საქართველოს მოქმედი ჩემპიონის, იბერიას მეტოქეები გახდა ცნობილი.
იბერია შინ სამ მატჩს გამართავს, სტუმრადაც სამს. საშინაო მეოდანზე მეტოქეები ხეტაფე, ცვერნა ზვეზდა და მიალბი იქნებიან, სტუმრად კი კოპენჰაგენს, სტ.ტრუიდენს და იაბლონეცს დავუპირისპირდებით.
იაბლონეცი
ჩეხური გუნდი, რომელიც 1994 წელს დაარსდა, ბოლო პერიოდში საკმაოდ წარმატებულად ასპარეზობს. კონფერენს ლიგის ფლეი-ოფში მათ, არც მეტი არც ნაკლები, რეინჯერსი დაამარცხეს და მატჩის გმირი ქართველი შემტევი ვახტანგ ჭანტურიშვილი გახდა, რომელმაც რეინჯერსს გამარჯვების გოლი გაუტანა. ვინაიდან იბერია იაბლონეცს ჩეხეთში ეთამაშება, გეტყვით, რომ ეს გუნდი განსაკუთრებით კარგად შინ თამაშობს. მაგალითად, ამ სეზონში ოთხიდან ოთხი საშინაო მატჩი ისე მოიგეს, რომ გოლიც არ გაუშვიათ. იაბლონეცის სათამაშო სტილი ძირითადად ფიზიკაზეა დამყარებული, მათი მიზანი რაც შეიძლება ნაკლები გოლის გაშვებაა, რაც მათ სამმცველიან ტაქტიკასა და შედეგებზეც აისაახება.
ხეტაფე
კიდევ ერთი ქართველი ფეხბურთელი, რომლის წინააღმდეგაც იბერია ითამაშებს, საბა საზონოვია. საქართველოს ნაკრების მცველი ესპანურ გუნდს სულ ახლახანს შეუერთდა. პარტიზანთან ორმატჩიან დაპირისპირებაში 4:3 მოიგეს და ძირითად ეტაპზე გავიდნენ. მათი თავკაცი გამოცდილი სპეციალისტი ხოსე ბორდალასია, მათი მთავარი იარაღი სტანდარტულიდან ხიფათის შექმნაა. ლა ლიგის ახალი სეზონი ხეტაფემ ნორომალურად დაიწყო, პირველ ტურში ალავესთან მარცხის შემდეგ, შინ რასინგს სძლიეს.
სტ.ტრუიდენი
ბელგიური გუნდი ახლოს იყო ევროპა ლიგის ძირითად ეტაპზე გასვლასთან, თუმცა შინ მოგებული 1:0-ის შემდეგ, სტუმრად ომონიასთან 4:2 დამარცხდნენ და კონფერენს ლიგაზე გადაინაცვლეს. სტ.ტრუიდენი თამაშობს ისე, როგორც ბელგიურ ფეხბურთს შეეფერება, თავისუფლად და შეტევაზე ორიენტირებულს. ძირითადად, თითქმის ყველა მატჩში როგორც იტანენ, ისე უშვებენ. მაგალითისთვის, ბელგიის ჩემპიონატის ახალ სეზონში ორი მატჩი ჩაატარეს და ორივე ფრედ დაასრულეს - ლომელისთან 1:1, სერკ ბრიუგესთან 3:3.
ცრვენა ზვეზდა
ერთ-ერთი გამორჩეული და ისტორიული სერბული გუნდი, რომელიც ევროტურნირებზე სტაბილურად ასპარეზობს და ხშირად ჩემპიონთა ლიგაზეც ვხედავთ ხოლმე. ეს ის ცვრნა ზვეზდაა, რომელმაც წელს ჩემპიონთა ლიგის საკვალიფიკაციო ეტაპზე ლარნე ორი მატჩის ჯამში 9:0 გაანდგურა, ლარნე, რომელსაც იბერიამ სძლია და ისტორიული ევროტურნირების საგზური მოიპოვა. ცვრენა ზვეზდა გამოირჩევა როგორც ფიზიკური სიძლიერით, ასევე ტაქტიკურად სწორი, სწრაფი და შემტევი თამაშით.
მიალბი
2025 წელს ისტორიაში პირველად გახდნენ შვედეთის ჩემპიონები. მიუხედავად იმისა, რომ დიდი ბიუჯეტი არ აქვთ, მათი მთავარი პლიუსი გუნდი და კოლექტიური თამაშია. ხშირად თამაშობენ კონტრშეტევებზე და გოლებს ამის ხარჯზე იტანენ. ჩემპიონთა ლიგის საკვალიფიკაციო ეტაპზე ლინკოლნის ბარიერი დასძლიეს, თუმცა შემდეგ სლოვან ბრატისლავასთან წააგეს. ევროპა ლიგის ფლეი-ოფში ზალცბურგთან უშანსოდ წააგეს და კონფერენს ლიგაზე თამაშის უფლება მოიპოვეს. მიალბი სტაბილურად ვერც შვედეთის ჩემპიონატში თამაშობს. 16 ტურის შემდეგ 20 ქულა აქვთ და მე-11 ადგილს იკავებენ.
კოპენჰაგენი
ისტორიული გუნდი, რომელიც წლების განმავლობაში სტაბილურად თამაშობდა ჩემპიონთა ლიგაზე, თუმცა ბოლო დროს დანიის ჩემპიონატში ისეთივე დომინანტი არ არის და მიუხედავად იმისა, რომ ჩემპიონობისთვის ყოველთვის იბრძვის, ჩემპიონობას ვეღარ ახერხებს. მიუხედავად ამისა, კოპენჰაგენს იბერიას მეტოქეებიდან ევროტურნირებზე თამაშის ყველაზე დიდი გამოცდილება აქვს. დანიის ჩემპიონატის ახალ სეზონში 4 შეხვედრა ჩაატარეს, საიდანაც 3 მოიგეს და 9 ქულით მოწინავე პოზიციებს იკავებენ.
