ევროპა ლიგის ფლეი-ოფის შეხვედრა იბერიასა და იაგელონიას შორის მიხეილ მესხის სახელობის სტადიონზე გაიმართა.
მოგეხსენებათ, ამ გუნდების პირველი მატჩი პოლონეთში შედგა და იაგელონიას გამარჯვებით 4:0 დასრულდა. განმეორებით მატჩში იბერიამ თამაში აქტიურად დაიწყო.
მეტოქე ძირითადად კონტრშეტევებზე თამაშობდა, რის შედეგადაც ანგარიში გახსნეს, თუმცა მალევე ზვიად ნაჭყებიამ ულამაზესი გოლი გაიტანა და ანგარიში გაათანაბრა.
მეორე ტაიმში იაგელონიამ კიდევ ერთი გოლი გაიტანა, 2:1 მოიგო და ევროპა ლიგის ძირითად ეტაპზე გავიდა.
იბერია კი კონფერენს ლიგის ძირითად ეტაპზე ითამაშებს, რომელის წილისყრაც 28 აგვისტოს არის ჩანიშნული.
