მილანის ლეგენდარულმა ნახევარმცველმა, რუდ გულიტმა მწვავედ გააკრიტიკა პორტუგალიის ნაკრების კაპიტანი, კრიშტიანუ რონალდუ. ვეტერანი შეეხო სლოვენიასთან მატჩს, რომელიც ალ-ნასრის ფორვარდისთვის საკმაოდ ემოციური გამოდგა. 11-მეტრიანის ვერგამოყენების შემდეგ, მან ცრემლები ვერ შეიკავა. ამის გარდა, პორტუგალიელი შემტევი მუდმივად ყურადღების ცენტრში იმყოფებოდა.
"პორტუგალიის ყოველი ჯარიმა ნიშნავს რონალდუს დარტყმას, არადა 60 მცდელობიდან მას მხოლოდ ერთი გოლი აქვს. ამ ნაკრებს ჰყავს სტანდარტულების უკეთესი შემსრულებლები, მაგრამ ამის მიუხედავად, ყურადღების ცენტრში მაინც კრიშტიანუა. არ მომეწონა ის, რაც სლოვენიასთან მატჩში მოხდა.
პორტუგალიელმა თავდამსხმელმა ვერ გამოიყენა ვერცერთი ჯარიმა, გააფუჭა პენალტი, ბოლოს კი ატირდა - ასეთი საქციელი მიუღებელია. მომწონს როგორც მოთამაშე, მაგრამ ყველაფერს თავისი ზღვარი აქვს", - განაცხადა ყოფილმა ნიდერლანდელმა გამთამაშებელმა.