როგორც მოგეხსენებათ, რონალდო ნაზარიო ბრაზილიის ფეხბურთის ფედერაციის პრეზიდენტობის არჩევნებში კენჭს იყრის. ლეგენდარულ თავდამსხმელს ამბიციური პროექტი აქვს და გეგმის ერთ-ერთი უმთავრესი ნაწილი პეპ გუარდიოლას ბრაზილიის ეროვნულ გუნდში მოწვევა იქნება. Sport.es-მა ამ ფაქტის შესახებ ჯერ კიდევ ნოემბერში დაწერა.
არჩევნები 2026 წელს გაიმართება, მსოფლიო ჩემპიონატის დაწყებამდე რამდენიმე თვით ადრე. რაც შეეხება ამჟამინდელ მმართველს, ედნალდო როდრიგესი თავის პოსტს 2026 წლის მარტამდე ვეღარ შეინარჩუნებს. დავრუბრუნდეთ ყოფილი ბრაზილიელი ფორვარდის გეგმასა და ესპანელი ტაქტიკოსის "სელესაოში" მოწვევის შესაძლებლობას.
როგორც ვიცით, მანჩესტერ სიტის მწვრთნელმა თავის ამჟამინდელ გუნდთან კონტრაქტი 2027 წლამდე გაახანგრძლივა, რაც ნიშნავს იმას, რომ 2026 წლის მუნდიალისთვის პრემიერ ლიგის 6-გზის ჩემპიონი სპეციალისტის დანიშნვა ვერ მოხერხდება. აღნიშნული ფაქტი სულაც არ აფერხებს ბარსელონას ყოფილ ფორვარდს, რომლის პროექტში ხოსეპს ცენტრალური როლი უჭირავს.
არჩევნებზე "ფენომენის" გამარჯვების შემთხვევაში, ის მაინც ეცდება 53 წლის მწვრთნელის გადმობირებას, იმისთვის, რომ მან "ყვითლები" 2030 წლის მუნდიალისთვის მოამზადოს. ჯერჯერობით უცნობია თავად გუარდიოლას პოზიცია, რომელსაც ახლა სულ სხვა საფიქრალი აქვს: "ქალაქელების" კრიზისიდან ამოყვანა.