UFC-ის ორი დივიზიონის ყოფილმა ჩემპიონმა, კონორ მაკგრეგორმა არიელ ჰელვანისთან ინტერვიუში ილია თოფურიას მარცხის თაობაზე ისაუბრა. შეგახსენებთ, თავად ირლანდიელი ვეტერანი ოქტაგონში დაბრუნდება 12 ივლისს, მაქს ჰოლოუეისთან 77 კილოგრამ დივიზიონში ჩხუბით.
"ილია კარგი ბიჭია, თუმცა ვიცოდი, რომ ადრე თუ გვიან, ეს დაემართებოდა. ვნახე მისი ვარჯიშები და იცი რა აკლდა? 1000 დოლარი უნდა დაედო და თავისი სპარინგ-პარტნიორებისთვის ეთქვა: თუ დამაგდებთ, ეს ფული თქვენია. ისინი მიზნის მისაღწევად ყველაფერს გააკეთებდნენ. დიახ, შეცდომები დაუშვა.
დაბრუნდება, თუმცა ჯერ სახე უნდა მოიშუშოს, რადგან მძიმე დაზიანებები მიიღო. თოფურია ახლა ძალიან ბნელ წერტილშია და საკუთარ თავში ღრმად უნდა ჩაეძიოს, იმისთვის, რომ ძალები იპოვოს. ვფიქრობ, შეძლებს დაბრუნებას და მე ყველაფერს საუკეთესოს ვუსურვებ", - განაცხადა "ნოტორიუსმა".
