ქართველი მოჭადრაკეების ისტორიულმა გამარჯვებებმა დასაერთაშორისო ასპარეზზე წარმატებამ, ჭადრაკს საქართველოში გამორჩეული დატვირთვა მისცა, ამიტომაც აღნიშნული სახეობის მიმართ ინტერესი ყოველთვისმაღალია, მათ შორის ახალგაზრდებსა და ბავშვებში.
ჭადრაკის განვითარებისა და ქართველი მოჭადრაკეების ნიჭის რეალიზაციის მიზნით, 2020 წელს თბილისში “გაგუნაშვილის საერთაშორისო საჭადრაკო აკადემია” ჩამოყალიბდა. საჭადრაკო სკოლის ერთ-ერთი მიზანი, აუდიტორიისთვის სასიამოვნო და მოსახერხებელი პროცესის შექმნაა. სწავლება ძირითადად ონლაინ მიმდინარეობს, რამაც შესაძლებელი გახადა მოსწავლეების მოზიდვა მსოფლიოს სხვადასხვა ქვეყნიდან.ამ დროისთვის აკადემიას დაახლოებით 100 მოსწავლე ჰყავს მსოფლიოს ათზე მეტი ქვეყნიდან, ფაქტობრივად ყველა კონტინენტიდან.
“გაგუნაშვილის საერთაშორისო საჭადრაკო აკადემიის" შესახებ lagazzetta.ge-სთან აკადემიის დირექტორმა, უჩა ძიმისტარიშვილმა ისაუბრა:
- რატომ არის გამორჩეული გაგუნაშვილის საერთაშორისო საჭადრაკო აკადემიის სასწავლო პროგრამა?
- ჩენს მიერ შემუშავებული სასწავლო პროგრამა უკვე დაინერგა აშშ-ის ერთ-ერთ საერთაშორისო სკოლაში - TongYan, ხოლო აკადემიის შესახებ ინფორმაცია არაერთხელ გამოქვეყნდა უდიდეს საერთაშორისო საჭადრაკო ჟურნალში - American Chess Magazine. ჭადრაკი ხელს უწყობს ბავშვებში სტრატეგიული, კრიტიკული, ლოგიკური აზროვნების განვითარებას, რაც მათ დაეხმარებათ ნებისმიერ პროფესიაში წარმატების მიღწევაში. სწორედ ამიტომ, აკადემიის კიდევ ერთი მნიშვნელოვანი მიზანია ხელი შეუწყოს საქართველოში ჭადრაკის პოპულარიზაციის ზრდას და ჭადრაკის სწავლების ხელმისაწვდომობას ყველასთვის. ამ მხრივ, აკადემია გეგმავს არაერთ პროექტს, რომლითაც მოხდება ქართველი მოჭადრაკეების და მათი მიღწევების გაცნობა საზოგადოებისათვის. ასევე, აკადემიის მიზანია ნიჭიერი ბავშვების აღმოჩენა და მათთვის ჭადრაკის სწავლის მეტი მოტივაციის მიცემა.
- როგორ ხდება მწვრთნელების შერჩევა?
- სასწავლო პროცესს უძღვებიან ქართველი საერთაშორისო დიდოსტატი მერაბ გაგუნაშვილი, ქალთა საერთაშორისო ოსტატი მარია სტოიანოვიჩ-გაგუნაშვილი და ასევე, აკადემიას ჰყავს არაერთი ტიტულოვანი ტრენერი მსოფლიოს სხვადასხვა ქვეყნიდან.
- როგორ შეუძლიათ დაინტერესებულებს დარეგისტრირდნენ და დაიწყონ ჭადრაკის შესწავლა?
- 2022 წელს საქართველოს ინოვაციებისა და ტექნოლოგიების სააგენტოს კონკურსში გამარჯვების შემდეგ, შეიქმნა პლატფორმა chessgagunashvili.com რომლის მეშვეობით მსურველებს შეუძლიათ მარტივად შეარჩიონ ჭადრაკის სხვადასხვა მწვრთნელი მსოფლიოს ნებისმიერი ქვეყნიდან.
- აკადემიის წევრები რამდენად ხშირად მონაწილეობენ საერთაშორისო ტურნირებზე?
- “გაგუნაშვილის საერთაშორისო საჭადრაკო აკადემია” რეგულარულად აწყობს საერთაშორისო ონლაინ ტურნირებს, რაც ხელს უწყობს არამხოლოდ ჭადრაკის სწავლის პროცესის გაუმჯობესებას, არამედ, მოსწავლეებში კომუნიკაციის განვითარებასა და მრავალფეროვანი კულტურული ღირებულებების გაზიარებას.
