იტალიაში მძვინვარე საბუკმეიკერო სკანდალის ახალი დეტალები ვრცელდება. ეჭვმიტანილ პირებს შორის არიან ანხელ დი მარია, ალესანდრო ფლორენცი, ლეანდრო პარედესი, მატია პერინი, ნიკოლო ძანიოლო და სხვები. როგორც ცნობილი ხდება, სკანდალში გარეულია ანდრეა პირლოს შვილიც, ნიკოლო.
ვეტერანმა იტალიელმა ნახევარმცველმა თავის შვილს ჯერ კიდევ 2022 წელს დაუბლოკა ანგარიშები, მაშინ, როდესაც პირლო-უმცროსი 17 წლის იყო. მისი დავალიანება იმ მომენტისთვის €30 000-ს შეადგენდა. ტურინის იუვენტუსის ყოფილი ფლეიმეიქერის შვილის სახელმა პირველად 2022 წლის 7 ივნისს გაიჟღერა, ნიკოლო ფაჯოლისა და პიეტრო მარინონის მიმოწერაში.
იტალიელი ნახევარმცველი ნიკოლოს როგორც "ერთ-ერთ ჩვენგანს", ისე მოიხსენიებს. ადგილობრივი პრესის მტკიცებით, ის შეკრულია იმავე ხალხთან, რომლებთანაც თავის დროზე სანდრო ტონალი და "ბებერი ქალბატონის" აღზრდილი შუახაზელი თანამშრომლობდნენ. რაც შეეხება პირლო-უმცროსის ამჟამინდელ მდგომარეობას, ის დღესაც ცდილობს €30 000-ს დავალიანების დაფარვას, რომელიც მას 17 წლის ასაკში დაუგროვდა.
