მიმდინარე სეზონის დაწყების წინ, BBC Sport-ის ექსპერტებმა ტრადიციულად გააკეთეს პროგნოზები იმასთან დაკავშირებით, თუ რომელი გუნდი მოიგებდა ინგლისის ჩემპიონატს. გამოკითხულებს შორის იყვნენ ექს-ფეხბურთელებიც, მაგალითად ტეო უოლკოტი, ჯო ჰარტი, მიკა რიჩარდსი და სხვები.
აღსანიშნავია ის ფაქტი, რომ იმ დროს არავინ ასახელებდა პრემიერ ლიგის ფავორიტად ლივერპულს და ხმების უმრავლესობა მიიღო მოქმედმა ჩემპიონმა, მანჩესტერ სიტიმ. გავიდა ნახევარ სეზონზე მეტი და რას ვხედავთ ახლა? ჩემპიონობის მთავარი ფავორიტები არიან სწორედ "წითლები", რომლებიც უახლოეს მდევარს, ლონდონის არსენალს 11 ქულით უსწრებენ.
