საფეხბურთო კარიერის დასრულებისა და სამწვრთნელო საქმიანობის დაწყების შემდეგ, ორივე მათგანმა "ბლაუგრანას" ტრიპლეტი მოაგებინა. საინტერესოა ის, რომ ესპანეთის რანგით მე-3 ლიგაში არის გუნდი, რომელმაც უარი თავის დროზე ორივე სპეციალისტს უთხრა. ეს ფაქტი აღწერა გილიემ ბალაგემ მანჩესტერ სიტის დამრიგებლის ავტობიოგრაფიულ წიგნში, "პეპ გუარდიოლა: მწვერვალზე".
"სამწვრთნელო კარიერის დაწყების შემდეგ, გუარდიოლას 2006 წელს ჰქონდა შემოთავაზება ხიმნასტიკიდან, სადაც ის ენრიკეს თანაშემწე უნდა გამხდარიყო. პეპი და ლუჩო იყვნენ ტარაგონაში წასვლის ნომერ პირველი კანდიდატები, მაგრამ ხელმძღვანელობამ ბოლო წუთს გადაიფიქრა, რადგან კლუბში ჩათვალეს, რომ გამოუცდელი სპეციალისტების მოყვანა ძალიან სარისკო ნაბიჯი იქნებოდა", - წერს ესპანელი ჟურნალისტი.
რა მოხდა ამის შემდეგ? 2006/2007 წლების სეზონში კატალონიელები გავარდნენ ლა ლიგიდან, ისე რომ უმაღლეს დივიზიონში იმის შემდეგ არასდროს აღზევებულან. ესპანელი სპეციალისტები კი თანამედროვეობის ერთ-ერთ საუკეთესო დამრიგებლებად იქცნენ.
