მსოფლიო ჩემპიონატის ნახევარფინალში არგენტინამ დაამარცხა ინგლისი და ზედიზედ მეორედ ფინალის საგზური მოიპოვა. მატჩის დასრულების შემდეგ, "ალბისელესტეს" მოთამაშეებმა ააფრიალეს ბანერი წარწერით: "მალვინები არგენტინაა". საუბარია ფოლკლენდის კუნძულებზე, რომლებსაც არგენტინელები მალვინებს ეძახიან.
როგორც ვიცით, ფოლკლენდის კუნძულების გამო 1982 წელს გაერთიანებულ სამეფოსა და არგენტინას შორის შეიარაღებული კონფლიქტი მოხდა. "ალბისელესტეს" მოთამაშეების აღნიშნულმა ქმედებამ აღშფოთება გამოიწვია დიდ ბრიტანეთში, იმის გათვალისწინებით, რომ სამხრეთ ამერიკელთა გუნდის მოთამაშეების დიდი ნაწილი სწორედ ალბიონზე ასპარეზობს.
საუბარია ემილიანო მარტინესის, კრისტიან რომეროს, ლისანდრო მარტინესის, ალექსის მაკ ალისტერის, ენცო ფერნანდესისა და მარკოს სენესის შესახებ. გთავაზობთ რამდენიმე კომენტარს ბრიტანელებისგან.
"ვერ ვხვდები ეს ფეხბურთელები როგორ ცხოვრობენ და იღებენ ფულს ინგლისში"
"ყოველთვის ფეხბურთში რატომ ხდება ასეთი რაღაცეები? რაგბიში სამჯერ ვეთამაშეთ არგენტინას, როგორც სახლში, ისე გასვლაზე, თუმცა ფოლკლენდი არავის უხსენებია"
"ჩვენს ფეხბურთელებს რომ გაეკეთებინათ იგივე, დისკვალიფიკიით დავისჯებოდით"
"ეს ხომ ის გუნდია, რომელიც საფრანგეთზე რასისტულ სიმღერას მღეროდა?"
"იმედი მაქვს, ესპანეთი მათ გაანადგურებს და შემდეგ ააფრიალებს ბანერს - ჩვენ რომ არა, არც იარსებებდით"
