ქართველი ფეხბურთელი ხვიჩა კვარაცხელია მორიგ დიდ ტიტულს ეუფლება. ზედიზედ მეორე პსჟ და ქართველი ფეხბურთელი უეფას სუპერთასის გამარჯვებულები გახდნენ.
ფინალში პსჟ ასტონ ვილას დაუპირისპირდა და 2:1 დაამარცხა, სადაც პირველი გოლი სწორედ კვარაცხელიამ გაიტანა.
"ყოველთვის დიდი პატივია, როცა ამ საოცარ გუნდთან ერთად ტიტულს ვიგებ. რთული მატჩი იყო, მაგრამ ვფიქრობ, მოგება დავიმსახურეთ.
მნიშვნელოვანია, რომ სეზონი ტიტულის მოგებით დავიწყეთ და ეს მხოლოდ დასაწყისია, ასე უნდა გავაგრძელოთ და ახალი სეზონი წარმატებით ჩავატაროთ.
თავს კარგად ვგრძნობ, რადგან სხვა მოთამაშეებზე მეტი დასვენება მომიწია, შრომას ვაგრძელებ და ჩემი მიზანია, გუნდთან ერთად რაც შეიძლება მეტი ტიტული მოვიგო", - განაცხადა კვარაცხელიამ.
