გამარჯვებულები გამოვიდნენ პირენეელები, რომლებმაც "ნარინჯისფერები" პენალტების სერიაში დაამარცხეს. ამ ნაკრებების პირველი შეხვედრა დასრულდა 2:2, საპასუხოში კი დაფიქსირდა დრამატული 3:3, რის შემდეგაც 11-მეტრიანები დაინიშნა. "წითლების" მხრიდან პენალტი გააფუჭა ლამინ იამალმა, "მექანიკური ფორთოხლიდან" კი ნოა ლანგსა და დონიელ მალენს არ გაუმართლათ.
ესპანეთი 3:3 (პენ. 5:4) ნიდერლანდები
გოლები: 1:0 მიკელ ოიარსაბალი 8', 1:1 მემფის დეპაი 54', 2:1 მიკელ ოიარსაბალი 67', 2:2 იან მაატსენი 79', 3:2 ლამინ იამალი 103', 3:3 ჩავი სიმონსი 109'.
ამ ყველაფრის შედეგად, ჩვენი ნაკრების მოწინააღმდეგე 2026 წლის მსოფლიო ჩემპიონატის საკვალიფიკაციო ეტაპზე ლუის დე ლა ფუენტეს გუნდი იქნება. ამის გარდა, ესპანეთი გავიდა ერთა ლიგის 1/2 ფინალშიც, სადაც საფრანგეთის ეროვნულ გუნდს დაუპირისპირდება. მსოფლიოს ვიცე-ჩემპიონებმა ასევე 11-მეტრიანების სერიაში ხორვატიას მოუგეს.
პირველ შეხვედრაში "თეთრ-წითლებმა" იმარჯვეს 2:0, განმეორებით თამაშში კი იგივე ანგარიშით უკვე "მამლებმა" მოიგეს. რაც შეეხება მეორე ნახევარფინალურ წყვილს: გერმანიამ ასევე დრამატულ ბრძოლაში მოუგო იტალიას, პორტუგალიამ კი დანიას. აღსანიშნავია ის ფაქტი, რომ მაყურებელმა იხილა ქამბექი 0:3-დან, "სკუადრა აძურას" შესრულებით, მაგრამ ეს საკმარისი არ გამოდგა.
რაც შეეხება "წითელ-მწვანეებისა" და "ვიკინგების" შეხვედრას, მეექვსე წუთზე კრიშტიანუ რონალდუმ გააფუჭა პენალტი, თუმცა მეორე ტაიმში მან მაინც შეაგდო. ძირითადი დრო დასრულდა ანგარიშით 3:2, ექსტრა ტაიმში კი პირენეელებმა სკანდინავიელებს 2 ბურთი გაუტანეს.
ერთა ლიგის 1/4 ფინალის ყველა მატჩი:
ესპანეთი 3:3 (პენ. 5:4) ნიდერლანდები
გერმანია 3:3 იტალია
საფრანგეთი 2:0 (პენ. 5:4) ხორვატია
პორტუგალია 5:2 დანია
ერთა ლიგის სხვა მატჩები:
საქართველო 6:1 სომხეთი
შოტლანდია 0:3 საბერძნეთი
უნგრეთი 0:3 თურქეთი
ბელგია 3:0 უკრაინა
ირლანდია 2:1 ბულგარეთი
სერბეთი 2:0 ავსტრია
სლოვენია 1:0 სლოვაკეთი
ისლანდია 1:3 კოსოვო
