დასრულდა ერთა ლიგის მორიგი სათამაშო დღე. ყველაზე შთამბეჭდავი სანახაობა პორტუგალიის ნაკრებმა შემოგვათავაზა, რომელმაც რობერტ ლევანდოვსკის გარეშე დარჩენილი პოლონეთის ეროვნული გუნდი ანგარიშით 5:1 გაანადგურა. 2 ბურთი გაიტანა კრიშტიანუ რონალდუმ, თითო გოლიც ბრუნო ფერნანდეშმა, რაფა ლეაუმ და პედრუ ნეტუმ შეაგდეს.
როგორც ვხედავთ, ალ ნასრის კაპიტანს "ლუზიტანების" შემადგენლობაში უკვე 135 გოლი დაუგროვდა. კონკრეტულად 2024 წელს კი მან 12 შეხვედრაში შვიდი ბურთი შეაგდო. პირენეელთა შემდეგი მეტოქე ხორვატიის ეროვნული გუნდი იქნება.
ერთა ლიგის ყველა მატჩის შედეგები:
პორტუგალია 5:1 პოლონეთი
დანია 1:2 ესპანეთი
შვეიცარია 1:1 სერბეთი
შოტლანდია 1:0 ხორვატია
ლუქსემბურგი 0:1 ბულგარეთი
ჩრდილოეთ ირლანდია 2:0 ბელარუსი
კვიპროსი 2:1 ლიეტუვა
სან მარინო 1:1 გიბრალტარი