"ბარსელონასთან დაპირისპირება ძალიან ამაღელვებელი იქნება. მოვხვდით ისეთ ბადეში, სადაც ფინალში გასვლის შესაძლებლობა თითოეულ გუნდს აქვს. მეორე ბადე კი სადაც არიან რეალი და სიტი, ფავორიტების ბადეა", - განაცხადა პსჟ-ს დამრიგებელმა. შეგახსენებთ, მისმა გუნდმა 1/8 ფინალში სოსიედადს მოუგო.
აქვე დავამატებთ, პარიზულ გუნდსა და კატალონიელებს შორის გამარჯვებული შეხვდება მადრიდის ატლეტიკო - დორტმუნდის ბორუსიას შორის საუკეთესოს, "სამეფო კლუბისა" და მანჩესტერელთა დუელში გასული გუნდი კი ფინალის საგზურს მიუნხენის ბაიერნი - ლონდონის არსენალს შორის მოგებულთან გაათამაშებს.
