კონფერენს ლიგის მეორე საკვალიფიკაციო ეტაპზე დინამო თბილისი ჟალგირისს დაუპირისპირდა და გამანადგურებელი ანგარიშით, 7:2 დამარცხდა.
მატჩის შემდეგ კომენტარი ჟალგირისის მხრიდან გამორჩეულმა ფეხბურთელმა სტანისლავ ბილენკმა გააკეთა, რომელმაც ამ მატჩში ჰეთ-თრიკი გაიფორმა.
"გიჟური საღამო იყო. ემოციებისგან სრულიად დაცლილი ვარ. ჩვენ ეს დავიმსახურეთ. რის ხარჯზე დავამარცხეთ მეტოქე? - გამოვავლინეთ შემართება, ხასიათი და დავამტკიცეთ, რომ შემდეგ ეტაპზე გასვლის ღირსები ვიყავით.
პირველი მარცხის შემდეგ, ვირწმუნეთ, რომ ეს მხოლოდ პირველი თამაში იყო და მეორე მატჩში გამარჯვება შეგვეძლო, ყველამ თავისი 100% გაიღო და შედეგიც ასე მოვიდა.
სტადიონზე საოცარი ატმოსფერო იყო. მადლობა გულშემატკივრბისთვის. საშინაო მატჩებში გულშემატკივარი დამატებით ბიძგს გვაძლევს, რომ მოვიგოთ", - განაცხადა ბილენკმა.
