თურქეთის ფეხბურთის ფედერაციაში როგორც აცხადებენ, ისინი იწყებენ დისციპლინურ ქმედებებს მას შემდეგ, რაც ასობით პროფესიონალ მსაჯს აღოუჩინეს ფსონების ანგარიშები. ხუთწლიანი გამოძიების შედეგად დადგინდა, რომ 571 მსაჯიდან 371-ს აქვს ანგარიშები, მათგან 152 კი აქტიურად თამაშობს.
სტამბოლში მედიისთვის გამართულ პრესკონფერენციაზე თურქეთის ფეხბურთის ფედერაციის (TFF) პრეზიდენტმა არ დაასახელა ოფიციალური პირები, მაგრამ განაცხადა, რომ სიაში შედის თურქეთის უმაღლესი ორი დივიზიონის შვიდი მთავარი და 15 დამხმარე მსაჯი.
TFF-ის წესების თანახმად, ზემოხსენებულ მსაჯებს შეიძლება დაეკისროთ ერთ წლამდე დისკვალიფიკაცია, ხოლო ფიფას ეთიკის კოდექსის 27-ე მუხლი ამბობს, რომ მსაჯები, რომლებიც ფსონებს დადებენ, შეიძლება დაჯარიმდნენ 100,000 შვეიცარიული ფრანკით (£94,246) და სამ წლამდე აკრძალვით ყველა საფეხბურთო აქტივობიდან.
