2-წლიანი პაუზის შემდეგ, ვეტერანი ბრაზილიელი ფეხბურთელი დანი ალვეში ფეხბურთში ბრუნდება.
ალვეში პორტუგალიური კლუბის, სან ჟოაო დე ვერის მეწილე ხდება და ამავე გუნდში თამაშს აპირებს. სან ჟოაო ამჟამად პორტუგალიის მესამე ლიგაში გამოდის და მე-10 პოზიციაზეა.
42 წლის დანი ალვეში გეგმავს, რომ კლუბის ყიდვის შემდეგ, ის თავისივე გუნდში ითამაშებს და სან ჟოაოს წარმატების მიღწევაში დაეხმარება. ალვეში თამაშს მინიმუმ 6 თვით აპირებს.
შეგახსენებთ, რომ წლების განმავლობაში ალვეში ბარსელონას, იუვენტუსის და პსჟ-ს რიგებში გამოდიოდა და თავის საკლუბო კარიერაში ყველა შესაძლო ტიტული მოიგო.
