"ბლაუგრანას" მეკარე ძალიან კარგ ფორმაშია და რაც შეეხება მის საიდუმლოს, ვეტერან კარის დარაჯს ამ ყველაფერზე ირონიული პასუხი აქვს - "ჩემი ფიზიკური ფორმის საიდუმლო? მე ხომ არ დავრბივარ, უბრალოდ ვდგავარ. 90 წუთი რომ ვირბინო, ასეთ კონდიციებში ვეღარ ვიქნები", - იხუმრა 34 წლის გოლკიპერმა.
შეგახსენებთ, რომ მადრიდის ატლეტიკოს დამარცხებით, "ლურჯ-ბროწეულისფრები" გავიდნენ კოპა დელ რეის ფინალში. ამის გარდა, ლა ლიგაში ისინი არიან პირველ პოზიციაზე და რაც შეეხება ევროსარბიელს, კამპ ნოუს ბინადრები ემზადებიან ჩემპიონთა ლიგის 1/4 ფინალისთვის, სადაც მათი მეტოქე დორტმუნდის ბორუსია იქნება.
