ლონდონის არსენალის ლეგენდარული კაპიტანი, ტიერი ანრი პარის სენ-ჟერმენის ჩემპიონთა ლიგის ფინალში გასვლას გამოეხმაურა. შეგახსენებთ, რომ პსჟ-მ ფინალისკენ მიმავალ გზაზე სწორედ "მეთოფეებს" მოუგო. ყოფილმა ფრანგმა ფორვარდმა ხვიჩა კვარაცხელიაც გამოარჩია.
" ჩემს ახალგაზრდობაში პარის სენ-ჟერმენის შემადგენლობაში ბრწყინავდნენ ვეა, ჟინოლა, ვალდო და სხვები, ახლა კი მათ ახალი გმირები ჰყავთ. ის იყო სხვა პსჟ, ახლა ქომაგებთან კავშირი ბევრად უფრო მჭიდროა. კვარა? რაც მან გააკეთა შეხვედრის ბოლოს, უბრალოდ წარმოუდგენელია.
პარიზილები იგებდნენ 2:0-ს, თუმცა ხვიჩა ვარსკვლავად გამოჩენას არ ცდილობდა. მატჩის მიწურულს მან ბურთით მიირბინა კუთხურის ალამთან და რამდენიმე წუთი გაიყვანა. ქართველმა ვინგერმა იცოდა, რომ ფინალში გასვლისთვის ენრიკეს გუნდს იმ მომენტში სწორედ ეს სჭირდებოდა.
კარგი იქნებოდა, რომ ასე მოქცეულიყვნენ ბარსელონას ფეხბურთელებიც ინტერთან მატჩში. ისინიც იყვნენ წინ, თუმცა სამწუხაროდ, კატალონიელების მხრიდან ასე არავინ მოიქცა. მადლობა პარკ დე პრენსის ბინადრებს ფრანგული ფეხბურთის რუკაზე დაბრუნებისთვის."
