ნაპოლის პრეზიდენტმა, აურელიო დე ლაურენტისმა თავის კლუბში მასიმილიანო ალეგრის მთავარი მწვრთნელის თანამდებობაზე დანიშნვის თაობაზე ისაუბრა. იტალიელი ბიზნესმენის თქმით, ტურინის იუვენტუსის ექს-დამრიგებელთან ერთად, "პარტენოპეიმ" ევროპის მთავარი საკლუბო ტურნირი უნდა მოიგოს.
"ფეხბურთში ჩემი 22-წლიანი მოღვაწეობის განმავლობაში ყოველთვის ზუსტად ვხვდებოდი, თუ რისი გაკეთება შეეძლო ნაპოლის. ჩემპიონთა ლიგის მოგებაღა დაგვრჩა და ვნახოთ, რამდენად შეძლებს ალეგრი ჩემი მოთხოვნის შესრულებას. უნდა ფიქრობდე მაღალ მიზნებზე, განსაკუთრებით მაშინ, როცა "პარტენოპეის" წარმოადგენ.
ჩვენ ვსაუბრობთ ერთადერთ იტალიურ გუნდზე, რომელმაც ევროსარბიელზე ზედიზედ 16 სეზონი ითამაშა. ჩემი 22-წლიანი მოღვაწეობა იმდენად დიდებულია, რომ მხოლოდ ევროპის მთავარი საკლუბო ტურნირის მოგება მაკლია", - განაცხადა "ლურჯების" პრეზიდენტმა.
