ანდრეა პირლოს იტალიის ნაკრების მთავარი მწვრთნელის თანამდებობაზე დანიშვნა, რაც ფაქტობრივად გადაწყვეტილი იყო, საბოლოოდ ჩაიშალა. გადაწყვეტილება შეცვლილი იქნა მწვავე საზოგადოებრივი და პოლიტიკური კრიტიკის შემდეგ. მთავარი მიზეზი იტალიელი სპეციალისტის კავშირებია რუსულ ბუკმეიკერულ კომპანია Fonbet-თან, რომელშიც ის გლობალური ელჩის სტატუსით თანამშრომლობს.
გთავაზობთ იტალიელი პოლიტოკოსების გამოხმაურებას - ყველა ერთხმად აღიარებს, რომ ტურინის იუვენტუსის ყოფილი მწვრთნელის "სკუადრა აძურაში" დანიშნვა უდიდესი შეცდომა იქნებოდა. "მაესტრო" გააკრიტიკა პინი პიჩერნომ, ბენედეტო ვედოვამ, მაურო ბერუტომ და კარლო კალენდამ.
"მსოფლიო ჩემპიონატის საკვალიფიკაციო ეტაპზე მორიგი იმედგაცრუების შემდეგ, იტალიურ ფეხბურთს სჭირდებოდა გადატვირთვა - კულტურული, ეთიკური და მმართველობითი. პირლოს "აძურიში" დანიშნვა არის ნაბიჯი სრული უკიდურესობისკენ", - ევროპარლამენტის ვიცე-პრეზიდენტი, პინი პიჩერნო.
"ყველა, ვინც მხარს უჭერს რუსეთს 2022 წლის შემდეგ, ვერანაირ სახელმწიფო თანამდებობას ვერ დაიკავებს. იტალიის ნაკრების მწვრთნელობით, შენ ხდები ჩვენი ქვეყნის სახე მსოფლიო ასპარეზზე, ასეთი კავშირების მქონე ადამიანი კი "აძურიში" ვერ იმუშავებს", - პარტია "მოქმედების" წევრი, კარლო კალენდა.
