ულსან ჰიუნდაი სამხრეთ კორეის ჩემპიონი გახდა. მოგეხსენებათ, ამ გუნდში 26 წლის შემტევი გიორგი არაბიძე ირიცხება, რომელმაც ულსანის მაისურით 6 შეხვედრა ჩაატარა და 2 გოლი გაიტანა.
უზბეკეთის ჩემპიონატის დასრულებამდე ერთი ტურით ადრე, ჯაბა ჯიღაურის ნასაფ ქარში ჩემპიონობას დაეუფლა. ჯიღაურმა 17 მატჩი ჩაატარა, 4 გოლი გაიტანა და ერთი საგოლე გადაცემა მიითვალა.
მიუხედავად მარცხისა, კარგი მატჩი ჩაატარა საქართველოს ნაკრების ნახევარმცველმა სანდო ალთუნაშვილმა მისმა ვოლფსბერგერმა ავსტრიის ჩემპიონატში კლაგენფურტთან 2:1 წააგო, ალთუნაშვილმა ულამაზესი გოლი გაიტანა.
ჩვენი ნაკრების კაპიტანმა გურამ კაშიამ სლოვან ბრატისლავას ულიდერა და გატანილი გოლის გარდა, თავისი მოვალეობა იდეალურად შეასრულა და დაცვაში სტაბილურად იდგა. სლოვან ბრატისლავამ პოდბრეზოვა 1:3 დაამარცხა, კაშია ტურის სიმბოლურ გუნდში მოხვდა.
უნგრეთის ჩემპიონატში ნირეგიჰაზას ნახევარმცველმა ნიკა კვეკვესკირმა გოლი გაიტანა და გუნდი მარცხს გადაარჩინა. მატჩი 1:1 დასრულდა. ყაზახეთის ჩემპიონატის ტურის სიმბოლურში ლუკა იმნაძე მოხვდა, რომლის ყიზილჟარმა 6:2 გაიმარჯვა. ერთი გოლი იმნაძის ანგარიშზეა. ვლადიმერ მამუჩაშვილმა შერიგის რიგებში ამ სეზონში მე-5 გოლი გაიტანა. შერიგმა მილსამი 4:0 დაამარცხა.
გიორგი გულიაშვილი კვლავ ბოსნიის ჩემპიონატის ბომბარდირია. სლობოდასთან მოგებულ 6:0 მატჩში, სარაევოს ლიდერმა გოლი გაიტანა და საგოლე გადაცემა მიითვალა. მიმდინარე სეზონში მის ანგარიშზე 10 გოლია.
ინგლისის გაოცებას განაგრძობს გიორგი ჩაკვეტაძე, რომელმაც უოტფორდის მაისურით კვლავ გაიბრწყინა და ამჯერად საგოლე გადაცემა გააკეთა. ჩაკვეტაძე ტურის სიმბოლურში მოხვდა, უოტფორდმა შეფილდი 2:6 გაანადგურა.
და ბოლოს...1 კვირიან შუალედში ლუკა სილაგაძემ და ლაშა ოდიშარიამ 2 ტიტული მოიპოვეს. რიგასთან ერთად ჯერ ლატვიის თასი მოიგეს, შემდეგ კი ლატვიის ჩემპიონატის გამარჯვებულები გახდნენ. ამ სეზონში ოდიშარიას ანგარიშზე 2 გოლი და საგოლე გადაცემაა, სილაგაძე ერთ საგოლე პასს დასჯერდა.
