2025/2026 წლების სეზონის ოქროს ბუცი მოიპოვა მიუნხენის ბაიერნის თავდამსხმელმა, ჰარი კეინმა, ვინც ბუნდესლიგის 31 მატჩში 36 გოლი გაიტანა. გამოსარჩევია ინგლისელი ფორვარდის განვლილი სეზონის ზოგადი სტატისტიკაც: 51 შეხვედრა, 61 ბურთი. დიახ, მან გაიმეორა კრიშტიანუ რონალდუს მიღწევა, სეზონიდან 2014/15.
"რეკორდმაისტერის" თავდამსხმელის მთავარი კონკურენტები იყვნენ კილიან მბაპე და ერლინგ ჰოლანდი, ვინც ლა ლიგისა და პრემიერ ლიგის გასულ სეზონში 25 და 27 ბურთი შეაგდეს. ალიანც არენას მკვიდრთა ფორვარდის კიდევ ერთი კონკურენტი იყო ზაგრების წინახაზელი, დიონ ბელიო, რომელმაც მოწინააღმდეგეების კარი 31-ჯერ აიღო.
ხორვატმა თავდამსხმელმა გაიტანა ფრანგ და ნორვეგიელ კონკურენტებზე მეტი, თუმცა მისი ქვეყნის ჩემპიონატის ქულების დაბალი ინდექსის გათვალისწინებით, მე-4 პოზიცია დაიკავა. 5-ეულს ხურავს მალიორკას ფორვარდი, ვედატ მურიქი.
2025/2026 წლების სეზონის ოქროს ბუცი - ტოპ 5
| ფეხბურთელი | გოლი | ქულა | გუნდი |
| ჰარი კეინი | 36 | 72 | ბაიერნი |
| ერლინგ ჰოლანდი | 27 | 54 | მანჩესტერ სიტი |
| კილიან მბაპე | 25 | 50 | რეალი |
| დიონ ბელიო | 31 | 46.5 | ზაგრები |
| ვედატ მურიქი | 23 | 46 | მალიორკა |
