საფეხბურთო კარიერის დასრულების შემდეგ, სანდრო 18 და 19-წლამდე ვაჟთა ნაკრებში, მთავარი მწვრთნელის ასისტენტი იყო, დღეიდან კი 16-წლამდე ნაკრებს ჩაიბარებს, რომელიც 2025 წლის შემოდგომაზე, 17-წლამდელთა ევროპის ჩემპიონატის საკვალიფიკაციო ეტაპზე მიიღებს მონაწილეობს.
სანდრო კობახიძის გუნდი, 29 სექტემბერს, თურქეთის ქალაქ ერზურუმში გაემგზავრება, სადაც 16-წლამდელები, 1 და 2 ოქტომბერს, საერთაშორისო ამხანაგური ტურნირის B ჯგუფში, ყირგიზეთსა და უზბეკეთს დაუპირისპირდებიან. ხოლო ტურნირის მესამე მატჩს, 4 ოქტომბერს, ჩვენი ასაკობრივი, A ჯგუფში თანაბარ პოზიციაზე მყოფ გუნდთან გამართავს.
სანდრო, წლებია ჩვენი სტრუქტურის წევრია და ვფიქრობ, რომ ამ წლებში შეძენილი გამოცდილების გათვალისწინებით, დღეს ის უკვე მზად არის მთავარი მწვრთნელის პასუხისმგებლობა აიღოს. ეს სანაკრებო ციკლი მისთვის საინტერესო გამოწვევა იქნება და მინდა, რომ მას მოახლოებულ მატჩებში და ზოგადად, წარმატება ვუსურვო."
სანდრო კობახიძე: "მინდა მადლობა გადავუხადო ალექსანდრეს და მთლიანად ფეხბურთის ფედერაციის ხელმძღვანელობას გამოჩენილი ნდობისთვის. ეს საქმე ჩემთვის დიდ პასუხისმგებლობასთან ასოცირდება და იმედი მაქვს, რომ სწორი მუშაობითა და შრომით, დასახულ მიზანს მივაღწევთ."







