UFC-ის ქვესაშუალო წონითი დივიზიონის ყოფილმა ჩემპიონმა, ტაირონ ვუდლიმ ილია თოფურია ყველა დროის საუკეთესოების რიცხვში არ შეიყვანა. ამერიკელმა მებრძოლმა დაასახელა ანდერსონ სილვა, ჟორჟ სენ-პიერი, ჯონ ჯონსი, დემეტრიუს ჯონსონი და ისლამ მახაჩევი, მაგრამ არა ქართველი მსუბუქწონოსანი.
"სილვას რეკორდი მოხსნა მახაჩევმა და თუ შევხედავთ, რას მიაღწიეს მათ, ასევე სენ-პიერმა, ჯონსმა და ჯონსონმა - ყველა დროის საუკეთესოების სია გამოგვივა. რაც შეეხებათ დანარჩენ მებრძოლებს, ეს უკვე გემოვნების საკითხია. ზოგი ასახელებს ვოლკანოვსკისა და თოფურიას, მაგრამ აღნიშნულ მოსაზრებას არ ვეთანხმები.
თუ ასეა, მაშინ მეც ყველა დროის საუკეთესოების რიცხვში ვარ. ნამდვილ ლეგენდებს შორის მინდა გამოვარჩიო ისლამი, ვინც თავისი დისციპლინითა და სტაბილურობით სამაგალითოა. კარიერის დასრულების შემდეგ, დაღესტნელი მებრძოლი კიდევ უფრო მაღლა იქნება", - განაცხადა "ტიბოუნმა".
