ისლამ მახაჩევისა და ნურმაგომედოვების მწვრთნელმა, ხავიერ მენდესმა UFC-ში უსმანის პოტენციური დებიუტის თაობაზე ისაუბრა. მისი აზრით, დაღესტნელი მებრძოლის 1-ელი მოწინააღმდეგე უნდა იყოს მაქს ჰოლოუეი, არმან ცარუკიანი ან პედი პიმბლეტი, ილია თოფურიას კი მექსიკელი თავკაცი ქამარზე ჩხუბში ხედავს.
"უსმანის სადებიუტო მეტოქე UFC-ში? ბევრი ვარიანტი არსებობს. თუნდაც მაქსი, ვინც ნამდვილი ლეგენდაა და მასთან ბრძოლა ხმაურიანი იქნებოდა. ვფიქრობ, პედიც კარგი მოწინააღმდეგეა და პოტენციურ ოპონენტებს შორის არმანიცაა. რაც შეეხება ილიას, მასთან ჩხუბი ამ ეტაპზე ნაადრევი იქნება.
მინდა, რომ თოფურია შემოვინახოთ უფრო მნიშვნელოვანი ბრძოლისთვის, რადგან არ მგონია, რომ ნურმაგომედოვის პირველივე ჩხუბი სატიტულო იყოს. დიახ, "მატადორთან" დუელს ქამარზე ვხედავ. ზოგადად კი არ მგონია, დაღესტნელი მებრძოლი 70 კილოგრამში გაჩერდეს დიდხანს, ის მაღალ წონაში გადაინაცვლებს", - განაცხადა უსმანის თავკაცმა.
