რამდენიმე საათის წინ დაწყებული მოლაპარაკებები საბოლოო შეთანხმებით დასრულდა, გაბრიელ ჟესუსი არსენალიდან კარიერას ბარსელონაში გააგრძელებს! ბრაზილიელ ფორვარდს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
ბარსელონა ჟესუსის სანაცვლოდ დაახლოებით €15 მილიონს გადაიხდის. ბრაზილიელი ფეხბურთელი ახალ კლუბთან 2-წლიან კონტრაქტს გააფორმებს.
მიუხედავად იმისა, რომ გაბრიელ ჟესუსის ტრანსფერზე ნაპოლი მუშაობდა, სიტუაცია მას შემდეგ შეიცვალა, რაც საქმეში ბარსელონა ჩაერთო. ჰანსი ფლიკმა ბრაზილიელი ფორვარდის დამატება მოითხოვა, კლუბმა კი მისი სურვილი დააკმაყოფილა და ტრანსფერიც დახურა.
